من مرديان الخبر .. قمة الروعه و الجمال - تقرير مصور -

السلام عليكم ورحمة الله وبركاتة

قبل فتره كان لي خته بسيطة للخبر مع ام العيال و ابشركم انبسطنا فيها ..
وقلت اشارك بمسابقة سياحتي سعودية مع اني مستحي من قل الصور

طبعا كنت اصور من داخل فندق المرديان من الشباك , صراحة كان الجو طيب و المنظر رهيب واستغليتها بكاميرا الجوال

بس قبل أعرض لكم الصور بأوريكم كم صوره للمرديان حق الخبر :

هذي صورة خارجية للفندق :



وهذي صورة للمسبح , عاد جيت بوقت الجو موب ثابت أخاف اسبح و امرض وتبلش بي ام العيال



وهذي صور للجناح والغرف خطورة لأبعد درجة :







هذي صوره للباتيسري ( المعجنات والكيك ومتل هيك ) اللي بالمطعم بتاعهم :



وذي الطاولات :



هذي الصالة حق العرض , هذي الناس يحجزونها لو فيه مؤتمر ولا عرض بروجكتر ومن هالقبيل :



عاد هالحين خلصنا من صور الفندق , جينا للصور بكاميرتي الخورافيه
يعني كلها اربع صور متواضعه بس عاد ان شاء الله اني افوز بالمسابقه
< مأمل الأخ

بسم الله نبدأ :

طبعا كل الصور مصورهن من الشباك من زود الفضاوه وام العيال صافطتني فقلت اسلي نفسي واصور هالمنظر الروعه .. بتلاحظون سوق فؤاد سنتر قدامكم ان ماكنت واهم



وهذي صوره ثانيه كذا لقطه خنفشاريه على الكورنيش ..



وهذي ثانيه بعد



وهذي قمت اتفلسف بالكاميرا وصورتها طوليه





وهذا اللي عندي .. وان شاءالله يعجبكم تقريري ومن اليوم وطالع اي سفره لي راح اصور لعيون هالمنتدى الغالي واحب اشكر ادارة المنتدى على رفعهم صوري المتواضعه على سيرفرهم الموقر

تحياتي(مملكة)

الله الله الله يبو عبدالرحمن
وش هالتقرير الزين

الله يعطيك العافيه على هالصور و على هالتقرير الفانتاستكي وان شاء الله نشوفك أحد المشاركين بالمسابقة

والصوره الثانيه تحفه تثبت انك مصور حريف
تحيتي لك وان شاء الله نشوف مشاركين جدد في المسابقة والله يوفقكم جميعا .

ما شاء الله وش هالزين يا مملكة

يعطيك العافية على هالتقرير


تحياتي
Abdullah

يـــا الاخو مسيك بالخــيـــر
تقرير حلو وماهوبشين
طبعاً تقرير احسن من ولاتقرير ...
بصراحه اعجبتني صور الفندق بس اللي ابي اعرفه اكثر يالغالي كم سعر الجناح لان الصوره اغرتني فندف الفيصليه والمملكه ماهي كذا
والا الصوره خداعه والا كامرتك داجه <<< خربها
لابــصراحه اذا عندك خلفيه عن السعر ياليتك تعلمنا اياه ودي اضف ابو نواف معاي وعبدالله يوم من الايام ونتشقق هناك
واسبحهم في الكورنيش على حسابي

مجهود تشكر عليه واكيد في انتظار جديدك الاحلى

^^
قدها وقدود يبو النيف , وانت رجل عند كلمتك زي ماتعودنا
<< ماعنده وقت

بالنسبه للأسعار مملكة يفيدك فيها اكثر لكن الغالب ان خمس نجوم بتهد جيبك وتفضيه وبتخلينا نسكن فيه يوم وتطلعنا , نجلس على بودل وطقتهم من امهات ثلاث نجوم واربع واقل

وفيه شغله , عندك مثل هالفنادق اسعارهم متفاوته مثل الأسهم مره فوق ومره تحت
وعشان تفك عمرك باغت العالم و ودنا بوقت مهوب من اوقات المواسم وانت الكسبان عشان الجيب (الدراهم)

وافهم يافهيم ياللي تقرا ردي أن اسعارنا مهوب اللي انت تبي للأسف
وربنا يعين
.

الله يقويك يا نايف

علمني متى تبي تمشي انا زاهب >> ما صدّق على الله

هلا وغلا بالشباب
ان شاءالله اعجبتكم الصور

بالنسبة للسعر لاتسئل

غالي غالي مرة وش تتوقع خمس نجوم الجناح فوق (500)

يازين غرف الثقبة

تحياتي (مملكة)

يعطيك العافيه اخوي مملكه على التقرير

صراحه الفندق ممتاز ومناظره رائعه

رووووووووووووعة
تسلم أخوي ع التقرير الجميل
والصور الرائعة

يعطيك العافية اخوي مملكة
على التقرير
والصور الرائعة

تحياتي للجميع
اختكم
@بنت المملكة@